پی سی بی نے پی ایس ایل سیزن 9کے ممکنہ شیڈول کا اعلان کردیا

ویب ڈیسک (24 نیوز پی کے) پاکستان کرکٹ بورڈ نے پی ایس ایل سیزن 9 کی تاریخوں کا اعلان کر دیا۔ نیوز ویب سائٹ’پروپاکستانی‘ کے مطابق چیئرمین پاکستان کرکٹ بورڈ کی صدارت میں پی ایس ایل گورننگ کونسل کا اجلاس لاہور میں ہوا۔ جس کے اعلامیے میں بتایا گیا کہ پاکستان سپر لیگ سیزن 9کے میچز آئندہ سال 2024میں 8فروری سے24مارچ تک ہوں گے۔

رپورٹ کے مطابق کونسل کے آئندہ اجلاس میں حتمی شیڈول کی تصدیق کی جائے گی۔ اعلامیے میں بتایا گیا ہے کہ سیزن 9میں 6ٹیمیں کھیلیں گی، کوئی اضافی ٹیم آئندہ سیزن میں شامل نہیں کی جائے گی۔