کپتان بابر اعظم نے بھارت سے شکست کی وجہ بتا دی

ویب ڈیسک (24 نیوز پی کے)آئی سی سی ورلڈ کپ 2023 میں پاکستان کی بھارت کے ہاتھوں عبرتناک شکست کی وجہ کپتان بابر اعظم نے بتا دی

پاکستان کرکٹ ٹیم کے کپتان بابر اعظم نے بھارت کے ہاتھوں قومی ٹیم کی شکست کی وجہ مڈل آرڈر بلے بازروں کو قرار دیا ہے ، میچ کی اختتامی تقریب سے گفتگو کرتے ہوئے بابر اعظم کا کہنا تھا کہ پاکستانی ٹیم بھارت کو اچھا ہدف دینے میں مکمل طور پر ناکام رہی جس کی وجہ مڈل آرڈر کا پرفارم نہ کرنا تھا ۔ انہوں نے کہاکہ ہماری ٹیم نے اننگز کا آغاز بہترین انداز میں کیا تھا تاہم ابتدائی کھلاڑی آؤٹ ہونے کے بعد مڈل آرڈر مکمل طور پر ناکام ہوگیا جس کی وجہ سے ٹیم 200 رنز بھی مکمل نہیں کرسکی ، انہوں نے کہا کہ اب ہمارے فوکس اس شکست کو بھولا کر اپنے آئندہ میچوں کو اچھا پرفارم کرنے پر ہوگا ۔ آپ کو بتاتے چلیں کہ پاکستان 20 اکتوبر کو اپنا اگلا میچ آسٹریلیا کے خلاف بنگلورو میں کھیلے گا،قومی ٹیم احمد آباد سے بنگلورو میں پہنچ گئی ہے۔